"सेवा नै धर्म हो"
यस नेपाल प्रहरी श्रीमती संघको ४१ औं वार्षिकोत्सवको अवसरमा आयोजित साप्ताहिक कार्यक्रम अन्तर्गत नेपाल प्रहरी श्रीमती संघको आयोजना तथा नेपाल प्रहरी अस्पताल महाराजगंज काठमाडौंको प्राविधिक सहयोगमा नेपाल पुलिस हेल्थ क्लब भृकुटीमण्डप काठमाडौंको सभाहलमा रक्तदान कार्यक्रम सम्पन्न भएको छ ।नेपाल प्रहरीका संगठन प्रमुख श्रद्धेय श्रीमान् प्रहरी महानिरीक्षक दिपक थापाज्यूको प्रमुख आतिथ्यतामा सम्पन्न भएको उक्त कार्यक्रममा नेपाल प्रहरी श्रीमती संघका अध्यक्ष श्रीमती रुपा थापाज्यू, प्रहरी अतिरिक्त महानिरीक्षकज्यू, संघका महासचिव श्रीमती अनुश्री पाख्रीनज्यू, उपाध्यक्षज्यूहरु, सल्लाहकारज्यूहरु,नेपाल प्रहरी श्रीमती संघका पदाधिकारीज्यूहरु,आसरा सुधार केन्द्रका पदाधिकारीज्यूहरु,सिनियर प्रहरी अधिकृतज्यूहरु काठमाडौं उपत्यका स्थित विभिन्न कार्यालयमा कार्यरत प्रहरी कर्मचारीज्यूहरु समेतको उपस्थिति रहेको थियो ।उक्त कार्यक्रमलाई सम्बोधन गर्दै संघका अध्यक्ष श्रीमती रुपा थापाज्यूले रक्तदान जीवन दान भन्ने मुल मन्त्रलाई हृदयगमन गरी नेपाल प्रहरी श्रीमती संघको ४१ औं वार्षिकोत्सवको अवसरमा ७ वटै प्रदेश कार्यालयहरुमा एकै साथ रक्तदान कार्यक्रम आयोजना गरिएको र यस रक्तदान कार्यक्रमबाट रगतको अभावमा छटपटिएका बिरामीहरुलाई मृत्युवरण हुनबाट जोगिन थप टेवा पुग्ने कुरा बताउदै रक्तदान जस्तो पुण्य कर्ममा जोडिने रक्तदाताहरुलाई धन्यवाद समेत प्रदान गर्नु भयो
यस नेपाल प्रहरी श्रीमती संघ भृकुटीमण्डप काठमाडौंको आयोजना तथा नेपाल प्रहरी अस्पताल महाराजगंज काठमाडौंको प्राविधिक सहयोगमा श्रावण यस नेपाल प्रहरी श्रीमती संघ भृकुटीमण्डप काठमाडौंको आयोजना तथा नेपाल प्रहरी अस्पताल महाराजगंज काठमाडौंको प्राविधिक सहयोगमा श्रावण महिनाको दोस्रो सोमबार श्रीपशुपतीनाथको मन्दिर परिसरमा पाल्नुहुने श्रद्धालु भक्तजनहरुलाई लक्षित गरी नि:शुल्क स्वास्थ्य शिविर तथा खानेपानी वितरण कार्यक्रम सम्पन्न भएको छ ।संघका अध्यक्ष श्रीमती रुपा थापाज्यूको प्रमुख आतिथ्यतामा सम्पन्न भएको उक्त कार्यक्रममा संघका महासचिव श्रीमती अनुश्री पाख्रीनज्यू, उपाध्यक्षज्यूहरु, सल्लाहकारज्यूहरु, कार्यसमितिका पदाधिकारीज्यूहरु तथा आसरा सुधार केन्द्र रानीबारी काठमाडौंका पदाधिकारीज्यूहरु र प्रहरी कर्मचारीहरु समेतको उपस्थितिमा सम्पन्न भएको उक्त कार्यक्रममा २०० जना श्रदालु भक्तजनहरुले स्वास्थ्य परीक्षण गराई लाभान्वित हुनु भएका छन् ।
काठमाडौं, २०८२ श्रावण ०५ गते सोमबारयस नेपाल प्रहरी श्रीमती संघ भृकुटीमण्डपको आयोजना तथा नेपाल प्रहरी अस्पताल महाराजगंज काठमाडौंको प्राविधिक सहयोगमा श्रावण महिनाको पहिलो सोमबार श्रीपशुपतीनाथ मन्दिर परिसरमा पाल्नुहुने श्रद्दालु भक्तजनहरुलाई लक्षित गरी नि:शुल्क स्वास्थ्य शिविर तथा खानेपानी वितरण कार्यक्रम सम्पन भएको र उक्त कार्यक्रममा २१३ जना भक्तजनहरुले प्राथमिक स्वास्थ्य परीक्षण गराउनु भई लाभान्वित हुनु भएको थियो ।
नेपाल प्रहरी श्रीमती संघ भृकुटीमण्डप काठमाडौंको आयोजनामा जिल्ला धादिङ बेनीघाट रोराङ-२ सिम्थली स्थित प्रजा आधारभुत विद्यालयमा अध्ययनरत चेपाङ समुदायका बालबालिकाहरुलाई शैक्षिक सामाग्री वितरण कार्यक्रम सम्पन्न भएको छ । संघका अध्यक्ष श्रीमती रुपा थापाज्यूको प्रमुख आतिथ्यतामा सम्पन्न भएको उक्त कार्यक्रममा संघका सचिव कार्यक्रम श्रीमती रुची शर्माज्यू, कोषाध्यक्ष श्रीमती संगिता लम्सालज्यू, विशेष अतिथि बेनिघाट रोराङ गाँउपालिकाका अध्यक्ष विवेक थपलियाज्यू, ऐ.ऐ. उपाध्यक्ष ताप बहादुर श्रेष्ठज्यू , सभा अध्यक्ष ऐ. वडा नं. २ का वडा अध्यक्ष हेमराज भुजेलज्यू, नेपाल प्रहरी श्रीमती संघका सह-सचिव प्रशासन श्रीमती चेतना चन्द शाहीज्यू, सदस्यहरु श्रीमती मुना रेग्मीज्यू, श्रीमती अञ्जली तण्डुकारज्यू, बगाले थापा क्षेत्री राष्ट्रिय फाउण्डेशनका अध्यक्ष डा. राम थापा क्षेत्रीज्यू, विद्यालयका प्रधानध्यापकज्यू, विद्यालय व्यवस्थापन समितिका पदाधिकारीज्यू, सिनियर प्रहरी अधिकृतज्यू , शिक्षक/शिक्षिकाज्यूहरु अन्य प्रहरी कर्मचारीज्यूहरु स्थानिय भद्रभलादमीहरु तथा विद्यार्थी भाइबहिनीहरु समेतको उपस्थिती रहेको थियो ।उक्त कार्यक्रमलाई सम्वोधन गर्दै संघका अध्यक्ष श्रीमती रुपा थापाज्यूले शिक्षा नै मानव जीवनको अमुल्य धन हो भन्ने आदर्श वाक्यलाई हृदयगमन गरी नेपाल प्रहरी श्रीमती संघले विद्यालयमा अध्ययनरत भाइबहिनीहरुलाई लक्षित गरी शैक्षिक सामाग्री वितरण कार्यक्रम आयोजना गरिएको र शिक्षा मानव जीवनको दिप हो , जसले अन्धकारलाई उज्यालोमा रुपान्तरण गर्दछ । यही उज्यालोले भविष्यको बाटो देखाउँदछ, सपनाहरुलाई सार्थकता दिन्छ र जीवनलाई सही मार्ग निर्देशन गर्दछ । आज हामीले यहाँ वितरण गरेका शैक्षिक सामाग्रीहरु केवल किताब कापी मात्र होईनन् यी बालबालिकाहरुको भविष्य निर्माण गर्ने स-साना ईट्टा हुन भन्ने कुरा समेत बताउनु भयो ।
नेपाल प्रहरी श्रीमती संघ भृकुटीमण्डपको आयोजना तथा International Child Development Program (ICDP)को समन्वय तथा सहकार्यमा ७ (सात) दिन कार्य अवधिको प्रारम्भिक बालविकास Early Childhood Development (ECD) तालिम समुद्घाटन कार्यक्रम सम्पन्न भयो । साथै नेपाल प्रहरी श्रीमती संघद्वारा रिक्त रहेको कार्यसमितिको सदस्य पदमा श्रीमती राधिका खतिवडाज्यूलाई नियुक्ती गरिएको । उक्त कार्यक्रममा नेपाल प्रहरी श्रीमती संघका अध्यक्ष श्रीमती रुपा थापाज्यू, महासचिव श्रीमती अनुश्री पाख्रिनज्यू, सचिव प्रशासन श्रीमती रुचि शर्माज्यू, कोषाध्यक्ष श्रीमती संगिता लम्सालज्यू, सह-कोषाध्यक्ष श्रीमती राधिका ज्ञवालीज्यू, सह-सचिव (कार्यक्रम) श्रीमती मन्जु शर्माज्यू, कार्यसमितिका सदस्य श्रीमती मुना रेग्मीज्यू, श्रीमती कल्पना काफ्लेज्यू, श्रीमती अरिना राईज्यू, International Child Development Program (ICDP) सहजकर्ता सिर्जना तिवारीज्यू, सिनियर प्रहरी अधिकृतज्यूहरु तथा अन्य प्रहरी कर्मचारीहरु समेतको उपस्थिती रहेको थियो ।उक्त कार्यक्रमलाई सम्वोधन गर्दै संघका अध्यक्ष श्रीमती रुपा थापाज्यूले प्रारम्भिक बालबिकासको चरणमा दिईएको स्नेह, स्याहार र उचित मार्गदर्शन नै बालबालिकाहरुको भविष्यको आधारशिला हो । हामीले हाम्रो भविष्यको आधारस्तम्भको रुपमा रहेका बालबालिकाहरुलाई तिनीहरुको समग्र विकासको लागि प्रारम्भिक शिक्षा, अभिभावकिय सिप प्रदान गर्ने उदेश्यको साथ यस तालिम सञ्चालन गरिएको र प्रारम्भिक बालबिकास ( Early Childhood Development) को चरणमा प्राप्त आधारभुत शिक्षा, स्याहार, संरक्षण र संस्कारले बालबालिकाहरुको सम्पूर्ण व्यक्तित्व निर्माणमा अमुल्य भुमिका खेल्ने समेत बताउनु भयो ।
काठमाडौँ, २०८२ असार ०९ गते, सोमबार ।आसरा सुधार केन्द्र रानीबारी तथा यस संघका समादरणीय अध्यक्ष श्रीमती रुपा थापाज्यूको सभाध्यक्षतामा आसरा सुधार केन्द्र रानीबारी परिसरमा लागूऔषध दुरुपयोग तथा अबैध ओसार-पसार विरुद्धको अन्तर्राष्ट्रिय दिवस २६ जुन २०२५ को अवसरमा आयोजित कार्यक्रममा नेपाल प्रहरी श्रीमती संघकी आदरणीय उपाध्यक्षज्यू, आसरा सुधार केन्द्रकी आदरणीय सचिवज्यू, कोषाध्यक्षज्यू, नेपाल प्रहरी श्रीमती संघ तथा आसरा सुधार केन्द्रका पदाधिकारीज्यूहरु, प्रहरी बरिष्ठ अधिकृतज्यूहरु, प्रहरी अधिकृतज्यूहरु, प्रहरी कर्मचारीहरु, परामर्शदाताहरु तथा केन्द्रका कर्मचारीहरु लगायत उपचाररत सदस्यहरुको उपस्थितीमा आसरा सुधार केन्द्रकी आदरणीय कोषाध्यक्ष कुशुम अधिकारीज्यूबाट संचालन भएको कार्यक्रम राष्ट्रिय गानबाट शुरु भई आसरा सुधार केन्द्रकी आदरणीय सचिव श्रीमती शामिला पोखरेलज्यूबाट स्वागत मन्तव्य व्यक्त गर्नु भएको, उपचाररत सदस्यहरुबाट तयार पारिएका साँस्कृतिक कार्यक्रम, जनचेतनामूलक नाटक प्रस्तुती तथा ३० वर्षे सेवा अवधिको कारण अनिवार्य अवकाश जानु भएका पूर्व प्रहरी नायव निरीक्षक नरेन्द्र कुमार शाह ठकुरीलाई केन्द्रकी समादरणीय अध्यक्षज्यूबाट मायाँको चिनो र कदर पत्र प्रदान तथा केन्द्रले आयोजना गरेको आन्तरिक खेलकुद प्रतियोगिताका बिजेता उपचाररत खेलाडी सदस्यहरुलाई केन्द्रकी समादरणीय अध्यक्षज्यूबाट पुरस्कार बितरण गर्नु भई समादरणीय अध्यक्षज्यूबाट आफ्नो प्रेरणादायी धन्यवाद मन्तव्य व्यक्त गर्नु भएको कार्यक्रमका केही झलकहरु ।
काभ्रे, २०८२ असार ०६ गते, शुक्रबार ।नेपाल प्रहरी श्रीमती संघ भृकुटीमण्डपको आयोजना तथा क्यान्सर काउन्सिल नेपालको सहकार्य र नेपाल प्रहरी संगित विद्यालयको समन्वयमा नेपाल प्रहरी श्रीमती संघका समादरणीय अध्यक्ष श्रीमती रुपा थापाज्यूको प्रमुख आतिथ्यतामा नेपाल पुलिस स्कुल साँगा काभ्रेमा “पाठेघर तथा स्तन क्यान्सर सम्बन्धी सचेतनामुलक” कार्यक्रम सम्पन्न भएको । उक्त कार्यक्रममा यस संघका समादरणीय अध्यक्ष श्रीमती रुपा थापाज्यू, संघका कार्यसमितिका पदाधिकारीज्यूहरु, क्यान्सर काउन्सिल नेपालका अध्यक्ष श्री रुद्रलाल कडरियाज्यू, Resource Person डा. श्री किशोर कुमार प्रधानाङ्गज्यू, Breast Cancer Specialist डा. करिष्मा प्रधानाङ्गज्यू, सदस्य श्री रामकाजी भुजेलज्यू, नेपाल पुलिस स्कुलका प्राचार्यज्यू, समादेशकज्यू, सह-प्राचार्यज्यूहरु, कोडिनेटरज्यूहरु, शिक्षक/शिक्षिकाज्यूहरु, सिनियर प्रहरी अधिकृतज्यूहरु, विद्यालयमा अध्ययनरत छात्राहरु, संगित विद्यालयका प्रहरी कर्मचारीज्यूहरु तथा अन्य महिला प्रहरी कर्मचारीज्यूहरु समेत गरी ४३१ जना सहभागिता रहेको थियो ।उक्त कार्यक्रममा कानूनी सल्लाहकार श्रीमती राधिका खतिवडाज्यूद्वारा महिला तथा बालबालिका संग सम्बन्धित ऐन नियमका कुराहरु, क्यान्सर काउन्सिल नेपालद्वारा स्तन तथा पाठेघरको क्यान्सर सम्बन्धी सचेतनाका साथै नेपाल प्रहरी संगित विद्यालयबाट नाटक तथा नृत्य प्रदर्शनी गरिएको थियो ।उक्त कार्यक्रमलाई सम्वोधन गर्दै संघका अध्यक्ष श्रीमती रुपा थापाज्यूले व्यस्त जिवन शैली, स्वास्थ्य सम्वन्धी जानकारीको अभावको कारण हामीले जीवनमा थुप्रै स्वास्थ्य सम्बन्धी जटिलताहरुको सामना गर्नु परेको कुरा जानकारी गराउदै जस्तै महिलाहरुमा देखिने पाठेघर तथा स्तन क्यान्सर एक घातक रोग हो । तर समयमै पहिचान र उपचार गरेमा निको हुन सक्ने हुनाले समयमै परीक्षण, स्वास्थ्यप्रति सजगता र आत्मविश्वास नै यस रोगबाट बच्ने सबै भन्दा प्रभावकारी उपायहरु हुन भनि बताउनु भएको थियो ।
काठमाडौ,२०८२ जेष्ठ, ०४ गते आईतबार ।यस नेपाल प्रहरी श्रीमती संघमा रिक्त रहेको कार्यसमितिको विभिन्न पदमा पदाधिकारीज्यूहरु चयन गरी नियुक्ती पत्र प्रदान कार्यक्रम सम्पन्न भएको छ । उक्त कार्यक्रममा संघका अध्यक्ष श्रीमती रुपा थापाज्यूले नव नियुक्त पदाधिकारीज्यूहरुलाई फूलमाला लगाई स्वागत गरी सफल कार्यकालको शुभकामना व्यक्त गर्दै नियुक्ती पत्र समेत प्रदान गर्नु भएको थियो ।
काठमाडौ,२०८२ बैशाख, १२ गते शुक्रबार ।आसरा सुधार केन्द्र रानीबारीको आयोजनामा राष्ट्रिय प्रहरी प्रशिक्षण प्रतिष्ठान महाराजगंजको समन्वयमा “मानसिक स्वास्थ तथा लागूऔषध सम्बन्धी मनोपरामर्श अभियान कार्यक्रम सम्पन्न भएको छ ।यस संघका अध्यक्ष श्रीमती रुपा थापाज्यूको प्रमुख आतिथ्यतामा सम्पन्न भएको उक्त कार्यक्रममा संघका उपाध्यक्षज्यूहरु, सल्लाहकारज्यूहरु, तथा कार्यसमितिका पदाधिकारीज्यूहरु, राष्ट्रिय प्रहरी प्रशिक्षण प्रतिष्ठान महाराजगंजमा कार्यरत प्रहरी अधिकृतज्यूहरु तथा अन्य प्रहरी कर्मचारीज्यूहरु समेतको उपस्थितिमा रहेको थियो ।कार्यक्रमलाई सम्बोध गर्दै संघका अध्यक्ष श्रीमती रुपा थापाज्यूले आफ्नो प्रेरणादायी मन्तव्य व्यक्त गर्नुका साथै केन्द्रका परामर्शदाताहरुबाट “मानसिक स्वास्थ तथा लागूऔषध सम्बन्धी मनोपरामर्श” सम्बन्धी सचेतनामूलक कक्षा संचालन पश्चात उक्त प्रतिष्ठानका प्रहरी उपरीक्षक मित्रबन्धु शर्माज्यूबाट धन्यवाद मन्तव्य व्यक्त गर्नु भएको थियो ।
काठमाडौ,२०८१ चैत्र, २९ गते शुक्रबार ।यस नेपाल प्रहरी श्रीमती संघद्वारा नव वर्ष २०८२ सालको पावन अवसरमा शुभकामना आदान- प्रदान कार्यक्रम सम्पन्न भएको छ । संघका अध्यक्ष श्रीमती रुपा थापाज्यूको प्रमुख आतिथ्यतामा सम्पन्न भएको उक्त कार्यक्रममा संघका महासचिव श्रीमती अनुश्री पाख्रीनज्यू, कोषाध्यक्ष श्रीमती संगिता लम्सालज्यू, कार्यसमितिका पदाधिकारीज्यूहरु, आसरा सुधार केन्द्रका पदाधिकारीज्यूहरु, सिनियर प्रहरी अधिकृतज्यू तथा अन्य प्रहरी कर्मचारीहरु समेतको उपस्थिती रहेको थियो ।उक्त कार्यक्रममा संघका अध्यक्ष श्रीमती रुपा थापाज्यूले उपस्थित सम्पूर्णलाई नव वर्ष २०८२ को शुभकामना प्रदान गर्नु भई नयाँ वर्ष भनेको केवल पात्रो फेरिने समय मात्र होइन यो नयाँ उत्साह, उर्जा र आशाको आरम्भ हो तसर्थ सम्पूर्ण पदाधिकारीज्यूहरु, सदस्यज्यूहरु तथा संघमा कार्यरत कर्मचारीहरुलाई नेपाल प्रहरी श्रीमती संघको हित र साँझा उदेश्य पुरा गर्न मानव सेवा केन्द्रित कार्यक्रमहरुमा आपसी सहयोग, सद्भाव, सहकार्य र दृढ संकल्पको साथ अघी बढ्न निर्देशन प्रदान गर्नु भई संघद्वारा प्रकाशित भित्तेपात्रो तथा शुभकामना कार्ड समेत प्रदान गर्नु भएको थियो ।उक्त कार्यक्रम संचालन संघका कोषाध्यक्ष श्रीमती संगिता लम्सालज्यूले गर्नु भएको थियो ।
काठमाण्डौ, बि.सं.२०८१ चैत्र २७ गते, बुधबार ।यस नेपाल प्रहरी श्रीमती संघद्वारा नेपाल प्रहरी अस्पताल महाराजगंज काठमाडौंको ४१ औं वार्षिकोत्सवको अवसरमा अस्पतालमा उपचारार्थ बिरामीहरुलाई शिघ्र स्वास्थ्य लाभको कामना गर्दै फलफूल वितरण गर्नुको साथै अस्पतालको लागि “Physiotherapy Digital Treadmill & Electric Geyser हस्तान्तरण कार्यक्रम सम्पन्न भएको छ ।प्रहरी महानिरीक्षक दीपक थापाज्यूको प्रमुख आतिथ्यतामा सम्पन्न भएको उक्त वार्षिकोत्सव कार्यक्रममा यस संघका आदरणिय अध्यक्ष श्रीमती रुपा थापाज्यू, महासचिव श्रीमती अनुश्री पाख्रीनज्यू, सह-कोषाध्यक्ष श्रीमती संगिता लम्सालज्यू, सह-सचिव कार्यक्रम श्रीमती अनिता ढकाल अधिकारीज्यू, सह-सचिव कार्यक्रम श्रीमती चेतना चन्द शाहीज्यू र अन्य प्रहरी कर्मचारीज्यूहरु समेतको उपस्थिती रहेको थियो ।
काठमाडौं,२०८१ चैत्र २१ गते बिहिबार ।यस नेपाल प्रहरी श्रीमती संघद्वारा निवर्तमान अध्यक्ष श्रीमती लक्ष्मी कुँवरज्यू तथा उपाध्यक्षज्यूहरु तथा सल्लाहकारज्यूहरुलाई विदाई कार्यक्रम सम्पन्न भएको छ ।नेपाल प्रहरी श्रीमती संघका नव नियुक्त अध्यक्ष श्रीमती रुपा थापाज्यूको प्रमुख आतिथ्यतामा सम्पन्न भएको उक्त कार्यक्रममा निवर्तमान अध्यक्ष श्रीमती लक्ष्मी कुँवरज्यू, संघका महासचिव श्रीमती अनुश्री पाख्रीनज्यू, कोषाध्यक्ष श्रीमती कल्पना गिरीज्यू, निवर्तमान उपाध्यक्ष श्रीमती विन्दु अधिकारी ढकालज्यू, निवर्तमान सचिव (कार्यक्रम) श्रीमती अनिता गुरुङज्यू,निवर्तमान सल्लाहकार श्रीमती निला थापा रावलज्यू संघका अन्य पदाधिकारीज्यूहरु प्रहरी कर्मचारीज्यूहरु समेतको उपस्थिति रहेको थियो । उक्त कार्यक्रममा नव नियुक्त अध्यक्ष श्रीमती रुपा थापाज्यूले निवर्तमान अध्यक्ष श्रीमती लक्ष्मी कुँवरज्यू लगायत बिदाई भई जानु हुने उपाध्यक्षज्यूहरु तथा सल्लाहकारज्यूहरुलाई फूलमाला लगाई सम्मान पत्र तथा मायाको चिनो समेत प्रदान गर्नु भएको थियो । साथै उक्त कार्यक्रमलाई सम्वोधन गर्दै निवर्तमान अध्यक्षज्यूको कुशल नेतृत्व, सेवा प्रतिको प्रतिवद्धता, मार्गदर्शन र पदाधिकारीज्यूहरुको निरन्तर साथ मसर्थन र अथक प्रयास र समर्पणले नै नेपाल प्रहरी श्रीमती संघले महत्वपूर्ण उपलब्धी हाँसिल गर्न सफल भएकोमा विशेष धन्यवाद व्यक्त गर्दै उहाँहरुको योगदान अतुलनिय र अविष्मरणिय रहने व्यहोरा समेत विश्वस्त गराउनु भयो । साथै उक्त कार्यक्रममा सम्वोधन गर्दै निवर्तमान अध्यक्ष श्रीमती लक्ष्मी कुँवरज्यूले सम्पूर्ण पदाधिकारीज्यूहरुको संघ प्रतिको मायाँ, समर्पण र त्यागको कारण नै आफ्नो सेवा कालमा संघको साझा उदेश्य प्राप्त गर्न सफल भएकोमा हार्दिक आभार प्रकट गर्दै नेपाल प्रहरी श्रीमती संघको स्तरोन्नतीको कामनाको साथ नव नियुक्त अध्यक्षज्यूलाई बधाई तथा सफल कार्यकालको शुभकामना समेत व्यक्त गर्नु भएको थियो । उक्त कार्यक्रम संघका सह-कोषाध्यक्ष श्रीमती संगिता लम्सालज्यूले संचालन गर्नु भएको थियो ।
काठमाडौ,२०८१ चैत्र २१ गते बिहिबार ।यस नेपाल प्रहरी श्रीमती संघद्वारा नव नियुक्त अध्यक्ष श्रीमती रुपा थापाज्यूलाई स्वागत तथा शुभकामना कार्यक्रम सम्पन्न भएको छ ।संघमा आयोजित उक्त कार्यक्रममा संघका महासचिव श्रीमती अनुश्री पाख्रीनज्यू, कोषाध्यक्ष श्रीमती कल्पना गिरीज्यू, आसरा सुधार केन्द्रका कोषाध्यक्ष श्रीमती नविना कार्कीज्यू, सह-कोषाध्यक्ष श्रीमती संगिता लम्सालज्यू, नेपाल प्रहरी श्रीमती संघका पदाधिकारीज्यूहरु, आसरा सुधार केन्द्रका पदाधिकारीज्यूहरु, साधारण सदस्यज्यूहरु, सिनियर प्रहरी अधिकृत तथा अन्य प्रहरी कर्मचारीज्यूहरु समेतको उपस्थिती रहेको थियो ।उक्त कार्यक्रमलाई सम्बोधन गर्दै नव नियुक्त अध्यक्ष श्रीमती रुपा थापाज्यूले आफू नेपाल प्रहरी श्रीमती संघ जस्तो पवित्र संस्थाको गरिमामय पदमा पदभार ग्रहण गर्दै गर्दा आफ्नो जिम्मेवारीलाई उच्च सम्मान र कर्तव्यबोधको साथ स्वीकार गरेको र नेपाल प्रहरी श्रीमती संघले सम्पादन गर्दै आएका कार्यहरुको उच्च कदर गर्दै आगामी दिनमा नेपाल प्रहरी श्रीमती संघलाई समय सापेक्ष अझ सवल र सुदृढ बनाउन प्रभावकारी ढङ्गले अगाडी बढ्ने प्रतिबद्धता समेत व्यक्त गर्नु भएको थियो ।उक्त कार्यक्रममा स्वागत मन्तव्य संघका महासचिव श्रीमती अनुश्री पाख्रीनज्यूले दिनु भएको थियो भने कार्यक्रम संचालन सह-कोषाध्यक्ष श्रीमती संगिता लम्सालज्यूले गर्नु भएको थियो ।
महाराजगंज काठमाडौं, २०८१ चैत्र ०४ गते सोमबार ।यस नेपाल प्रहरी श्रीमती संघद्वारा विगत एक वर्ष पहिले देखि गम्भिर घाईते भई नेपाल प्रहरी अस्पतालको भेन्टिलेटरमा उपचारार्थ रहेका पूर्व प्रहरी हवल्दार कुमार आले मगरलाई उपचारको लागि रु.२५,०००।–(पच्चिस हजार रुपैयाँ मात्र) आर्थिक सहयोग हस्तान्तरण गरिएको छ । उक्त कार्यक्रममा यस संघका सचिव (प्रशासन) श्रीमती अनिता गुरुङज्यू, वरिष्ठ सल्लाहकार श्रीमती निलम कडायतज्यू, सचिव (कार्यक्रम) श्रीमती सरला बस्नेत भट्टराईज्यू, सिनियर प्रहरी अधिकृतज्यू तथा अन्य प्रहरी कर्मचारीज्यूहरु समेतको उपस्थिती रहेको थियो ।
भृकुटीमण्डप काठमाडौं, २०८१ पुष २१ गते, आइतबार ।यस नेपाल प्रहरी श्रीमती संघ भृकुटीमण्डप काठमाडौको आयोजनामा सञ्चालित २३ कार्य दिन अवधिको हलुका सवारी चालक (Driving) तालिम सम्पन्न भएको छ ।नेपाल प्रहरी श्रीमती संघका अध्यक्ष श्रीमती लक्ष्मी कुँवरज्यूको अध्यक्षतामा सम्पन्न भएको उक्त कार्यक्रममा संघका महासचिव श्रीमती अनुश्री पाख्रीनज्यू, कोषाध्यक्ष श्रीमती कल्पना गिरीज्यू, सचिव(प्रशासन) श्रीमती अनिता गुरुङज्यू, वरिष्ठ सल्लाहकार श्रीमती निलम कडायतज्यू, सह-कोषाध्यक्ष श्रीमती संगिता लम्सालज्यू, सह-सचिव (प्रशासन) श्रीमती चेतना चन्द शाहीज्यू, कार्यसमितिका पदाधिकारी श्रीमती राधिका ज्ञवालीज्यू, श्रीमती मन्जु पौडेलज्यू, श्रीमती मुना रेग्मीज्यू, श्रीमती कल्पना काफ्लेज्यू, श्रीमती अञ्जली तण्डुकारज्यू, श्रीमती अरिना राईज्यू, प्रहरी अधिकृतज्यू, तालिम प्रशिक्षकज्यूहरु, प्रशिक्षार्थीहरु तथा अन्य प्रहरी कर्मचारीहरु समेतको उपस्थिती रहेको थियो ।उक्त कार्यक्रमलाई सम्वोधन गर्दै अध्यक्ष श्रीमती लक्ष्मी कुँवरज्यूले तालिममा सहभागि प्रशिक्षार्थीहरुलाई सफलता पूर्वक तालिम सम्पन्न गर्नु भएकोमा हार्दिक बधाई ज्ञापन गर्दै तालिममा सिकेको ज्ञान तथा सिपलाई उच्चतम प्रयोग गरी व्यवसायिक रुपमा सक्षम र सवल बन्न समेत निर्देशन दिदै प्रशिक्षार्थीहरुलाई प्रमाण पत्र समेत प्रदान गर्नु भएको थियो भने प्रशिक्षण प्रदान गर्ने प्रशिक्षकज्यूहरुलाई प्रशंसा पत्र समेत प्रदान गर्नु भयो । उक्त कार्यक्रमको सञ्चालन कोषाध्यक्ष श्रीमती कल्पना गिरीज्यूले गर्नु भएको थियो भने तालिम प्रतिवेदन तालिम संयोजक श्रीमती अनिता गुरुङज्यूले पेश गर्नु भएको थियो ।
